|
guNatrayavibhedena mUrtitrayamupeyuShe|
trayIbhuve trinetrAya trilokIpataye namaH||1||
sarasvatyai namo yasyAH prasAdAt puNyakarmabhiH|
buddhidarpaNasa~gkrAntaM jagadadhyakShamIkShyate||2||
brahmadakShAshvideveshabharadvAjapunarvasuhutAshaveshacarakaprabhRutibhyo namo [] namaH||3||
pAta~jjalamahAbhAShyacarakapratisaMskRutaiH|
manovAkkAyadoShANAM hartre~ahipataye [] namaH||4||
naradattagurUddiShTacarakArthAnugAminI|
kriyate cakradattena TIkA~a~ayurvedadIpikA||5||
sabhyAH sadguruvAksudhAsrutiparisphItashrutInasmi vo
nAlaM toShayituM payodapayasA nAmbhonidhistRupyati|
vyAkhyAbhAsarasaprakAshanamidaM tvasmin yadi prApyate
kvApi kvApi kaNo guNasya tadasau karNe kShaNaM dhIyatAm [] ||6||
iha hi dharmArthakAmamokShaparipanthirogopashamAya brahmaprabhRutibhiH praNItAyurvedatantreShvativistaratvena samprati vartamAnAlpAyurmedhasAM puruShANAM na samyagarthAdhigamaH, tadanadhigamAcca tadvihitArthAnAmananuShThAne [] tathaivopaplavo rujAmiti manvAnaH paramakAruNiko~atrabhavAnagnivesho~alpAyurmedhasAmapi [] sukhopalambhArthaM nAtisa~gkShepavistaraM kAyacikitsApradhAnamAyurvedatantraM praNetumArabdhavAn| tasmiMshca shlokanidAnavimAnashArIrendriyacikitsitakalpasiddhisthAnAtmake~abhidhAtavye nikhilatantrapradhAnArthAbhidhAyakatayA [] shlokasthAnamevAgre vaktavyamamanyata| vakShyati hi- “shlokasthAnaM samuddiShTaM tantrasyAsya shiraH shubham| catuShkANAM mahArthAnAM sthAne~asmin sa~ggrahaH kRutaH” (sU. a.30) iti| tatra ca sUtrasthAne~apyutpannarogagrahaNe tvarayA rogopaghAtibheShajAbhidhAyicatuShke~abhidhAtavye nikhilatantrabIjabhUtahetuli~ggauShadhAdyarthasya tathA tantrapravRuttya~ggaprayojanavadAyurvedAgamAderabhidhAyakaM dIrgha~jjIvitIyamadhyAyamabhidhAtumArabdhavAn| shrotRujanapravRuttihetvabhidheyaprayojanasambandhopadarshakaM shrotRubuddhisamAdhAnAya vyAkhyAnapratij~jAparamaShTapadamaShTasa~gkhyAyA ma~ggalatvenAdau sUtraM niveshitavAn- athAto dIrgha~jjIvitIyamadhyAyaM vyAkhyAsyAma iti| yato nirabhidheye kacaTatapAdau sAbhidheye vA niShprayojane kAkadantaparIkShAdau prekShAvatAM pravRuttirnopalabhyate, tenAdAvabhidheyaprayojane abhidhAtavye| yaduktaM- “abhidheyaphalaj~jAnavirahastimitodyamAH| shrotumalpamapi granthaM nAdriyante hi sAdhavaH” iti| abhidheyavattvaprayojanavattvanirvAhArthaM cAbhidheyashAstrayorabhidhAnAbhidheyalakShaNaH sambandhaH, prayojanashAstrayoshca sAdhyasAdhanabhAvalakShaNo~abhidhAtavyaH| tatrehAbhidheyaM hitAhitAdirUpeNAyuH| vakShyati hi- “hitAhitaM sukhaM duHkhamAyustasya hitAhitam| mAnaM ca tacca yatroktamAyurvedaH sa ucyate” (sU. a.30) iti| atra ca sarvAbhidheyAvarodho yathAsthAnameva vyAkaraNIyaH| prayojanaM ca dhAtusAmyam| yathoktaM- “dhAtusAmyakriyA coktA tantrasyAsya prayojanam” (sU. a.1) iti| sambandho~apyAyuHshAstrayorabhidhAnAbhidheyalakShaNaH, prayojanena ca dhAtusAmyena samamasya shAstrasya heyopAdeyaj~jAnAvAntaravyApArasya sAdhyasAdhanabhAvalakShaNaH| tadetatsarvaM dIrgha~jjIvitIyamityanena padena dIrgha~jjIvitashabdamadhikRutya [] kRutaprayojanAbhidhAyaka ‘dhAtusAmyakriyA coktA’ ityAdivAkyAbhidhAyakena darshitaM mantavyam| nanu, prayojanAbhidhAnaM shAstrapravRuttyarthamiti yaduktaM tanna yuktaM, yato na prayojanAbhidhAnamAtreNa prayojanavattAvadhAraNaM, vipralambhakasaMsAramocanapratipAdakAdishAstreShu [] prayojanAbhidhAne~api niShprayojanatvadarshanAt| atha manyase, AptaprayojanAbhidhAnametadato~atra [] yathArthatvaM; nanu bho kathamayaM prayojanAbhidhAyI AptaH? tadabhihitashAstrasya yathArthatvAditi cet, hanta na yAvacchAstrasya prayojanavattvAvadhAraNaM na tAvacchAstrapravRuttiH, na yAvacchAstrapravRuttirna tAvacchAstrasya yathArthatvAvadhAraNaM, na yAvacchAstrasya yathArthatvAvadhAraNaM na tAvacchAstrasya karturAptatvamavadhAryate, AptatvAnavadhRutau ca kutastadabhihitaprayojanavattAvadhAraNamiti cakrakamApadyate [] ; atha manyase, mA bhavatu prayojanavattAvadhAraNam, artharUpaprayojanavattAsandeha eva pravartako bhaviShyati, kRuShyAdAvapi hi pravRuttirarthasandehAdeva; nahi tatra kRuShIvalAnAM phalalAbhAvadhAraNaM vidyate, antarA~avagrahAderapi sambhAvyamAnatvAt; nanvevamasatyapi prayojanAbhidhAne saprayojananiShprayojanashAstradarshanAcchAstratvameva prayojanavattAsandehopadarshakamastu, tathA~apyalaM prayojanAbhidhAnena| naivaM, nahi sAmAnyena prayojanasandehaH prayojanavisheShArthinaM tathA pravartayati yathA~abhipretaprayojanavisheShaviShayaH sandehaH; abhipretavisheShaviShayashca sandeho na visheShaviShayasmaraNamantarA bhavati, ato ye tAvadanavadhRutAgniveshaprAmANyAsteShAM dhAtusAmyasAdhanamidaM shAstraM na vetyevamAkAravisheShasandehotpAdanArthaM prayojanavisheShAbhidhAnaM; ye punaH paramarSheragniveshasyAdyata evAvadhRutaprAmANyAsteShAM tadabhihitaprayojanavattAvadhAraNenaiva pravRuttiriti yuktaM prayojanAbhidhAnam| prayojanAbhidhAyivAkye tu svalpaprayatnabodhye prayojanasAmAnyasandehAdeva pravRuttirupapannA, na punaranekasaMvatsarakleshabodhye shAstre| tadevaM yaducyate- ‘prayojanAbhidhAyivAkyapravRuttAvapi prayojanamabhidhAtavyaM, tathA cAnavasthA’ iti, tannirastaM bhavati| athetyAdisUtre~athashabdo brahmAdipraNItatantreShvalpAyurmedhasAmarthAnavadhAraNasya, tathA~abhIShTadevatAnamaskArashAstrakaraNArthagurvAj~jAlAbhayorAnantarye prayukto~api shAstrAdau svarUpeNa ma~ggalaM bhavatyudakAharaNapravRuttodakumbhadarshanamiva prasthitAnAm| granthAdau ma~ggalasevAnirastAntarAyANAM granthakartRushrotRUNAmavighneneShTalAbho bhavatIti yuktaM ma~ggalopAdAnam| athashabdasya ma~ggalatve smRutiH- “o~gkArashcAthashabdashca dvAvetau brahmaNaH purA| kaNThaM [] bhittvA viniryAtau tena mA~ggalikAvubhau” iti| shAstrAntare cAdau ma~ggalatvena dRuShTo~ayamathashabdaH| yathA- “atha shabdAnushAsanam” (vyA. ma. bhA. a. 1 pA. 1 A. 1), “athAto dharmaM vyAkhyAsyAmaH” (vai . a.1A.1sU.1) ityAdau| abhIShTadevatAnamaskArastu granthAdau shiShTAcAraprAptaH paramashiShTenAgniveshena kRuta eva, anyathA shiShTAcArala~gghanena shiShTatvameva na syAd vyAkhyAnAntarAyabhayashca [] ; tathA granthAviniveshitasyApi namaskArasya pratyavAyApahatvAcca na granthaniveshanam| yathA ca gurvAj~jAlAbhAnantarametattantrakaraNaM tathA “atha maitrIparaH puNyam” (sU. a. 1) ityAdau sphuTameva| granthakaraNe ca gurvanumatipratipAdanena granthasyopAdeyatA pradarshitA bhavati| yat punaH shiShyaprashnAnantaryArthatvamathashabdasya varNyate tanna mAM dhinoti, nahi shiShyAn puro vyavasthApya shAstraM kriyate; shrotRubuddhisthIkAre tu shAstrakaraNaM yuktaM, na ca buddhisthIkRutAH praShTAro bhavanti| ataH shabdo~adhikAraprAgavadhyupadarshakaH, ata UrdhvaM yadupadekShyAmo dIrgha~jjIvitIyaM taditi; yadi vA hetau, yena brahmAdipraNItAyurvedatantrANAmuktena nyAyenotsambandhatvamiva [] , ato hetordIrgha~jjIvitIyaM vyAkhyAsyAma iti yojanIyam| dIrgha~jjIvitIyamityatra dIrgha~jjIvitashabdo~asminnastIti matvarthe “adhyAyAnuvAkayorluk ca” (pA. a. 5/2/60) iti chapratyayaH| yadi vA dIrgha~jjIvitashabdamadhikRutya kRuto grantho~adhyAyarUpastantrarUpo vA, ityasyAM vivakShAyAm “adhikRutya kRute granthe” (pA. a. 4/3/87) ityadhikArAt “shishukrandayamasabha” (pA. a. 4/3/88) ityAdinA chaH| evamanyatrApyeva~jjAtIye mantavyam| atra ca satyapi shabdAntare dIrgha~jjIvitashabdenaiva sa~jj~jA kRutA, dIrgha~jjIvitashabdasyaiva pravacanAdau niveshAt prashastatvAcca| ‘dIrgha~jjIvitashabdo~asminnasti’ iti, dIrgha~jjIvitashabdamadhikRutya kRuto vA, ityanayA vyutpattyA dIrgha~jjIvitIyashabdastantre~adhyAye ca pravartanIyaH| tena dIrgha~jjIvitIyaM vyAkhyAsyAma ityanena tantraM [] prati vyAkhyAnapratij~jA labdhA bhavati, punardIrgha~jjIvitIyamiti padamAvartyAdhyAyapadasamabhivyAhRutamadhyAyavyAkhyAnapratij~jAM lambhayati| dRuShTaM cAvRutya padasya yojanaM, yathA- apAmArgataNDulIye “gaurave shirasaH shUle pInase” (sU. a. 2) ityAdau ‘shirasa’ iti padaM ‘gaurave’ ityanena yujyate, AvRutya ‘shUle’ ityanena ca| atashca yaducyate- akRutatantrapratij~jasyAdhyAyapratij~jA UnakAyamAneti, tannirastaM bhavati| yadi vA, adhyAyapratij~jaivAstu, tayaiva tantrapratij~jA~apyarthalabdhaiva, na hyadhyAyastantravyatiriktaH, tenAvayavavyAkhyAne tantrasyApyavayavino vyAkhyA bhavatyeva; yathA- a~ggulIgrahaNena devadatto~api gRuhIto bhavati| avayavAntaravyAkhyAnapratij~jA tu [] na labhyate, tAM tu pratyadhyAyameva kariShyati| adhyAyamiti adhipUrvAdi~gaH “i~gashca” (pA. a. 2/4/47) iti karmaNi gha~jA sAdhyam| tena adhIyate [] ityadhyAyaH| na cAnayA vyutpattyA prakaraNacatuShkasthAnAdiShvatiprasa~ggaH, yato yogarUDheyamadhyAyasa~jj~jA~adhyAyasya prakaraNasamUhavisheSha eva dIrgha~jjIvitIyAdilakShaNe pa~gkajashabdavadvartate na yogamAtreNa vartate| vakShyati hi- “adhikRutyeyamadhyAyanAmasa~jj~jA pratiShThitA” (sU. a. 30) iti; nAmasa~jj~jA yogarUDhasa~jj~jetyarthaH| yadi vA karaNAdhikaraNayorarthayoH “adhyAyanyAyodyAvasaMhArAshca” (pA. a. 3/3/112) itisUtreNa nipAtanAdadhyAyapadasiddhiH| adhIyate~asminnanena vA~arthavisheSha ityadhyAyaH| atiprasaktiniShedhastUktanyAyaH| vyAkhyAsyAma iti vyA~gpUrvAt khyAterlRuTA sAdhyam| cakShi~go hi prayoge~anicchato~api vyAkhyAtuH kriyAphalasambandhasya durnivAratvena “svarita~jita” (pA. a. 1/3/72) ityAdinA~a~atmanepadaM syAditi| ‘vi’ iti visheShe, visheShAshca vyAsasamAsAdayaH| A~gayaM kriyAyoge, ye tu maryAdAyAmabhividhau vA A~gprayogaM manyante teShAmabhiprAyaM na vidmaH| yato maryAdAyAmabhividhau cA~gaH prAtipadikena yogaH syAt; yathA- “AsamudrakShitIshAnAM” (ra. vaM. a. 1) “ApATalIputrAdvRuShTo deva” ityAdau, ihApi ca tathA| kriyAyogavirahe “upasargAH kriyAyoge” (pA. a. 1/4/59) iti niyamAdA~ga upasargatvaM na syAt; tatashcAnupasargeNA~gA vyavadhAnAd verupasargasya prayogo na syAt| yenAvyavahitaH sajAtIyavyavahito vA dhAtorupasargo bhavati| vyA~gorubhayorapyanupasargatve tatsambandhocitabhUriprAtipadikakalpanAgauravaprasa~ggaH syAt; tasmAt kriyAyogitvamevA~go nyAyyam| atha, ataH, dIrghaM, jIvitIyam, adhyAyaM, vi, A, khyAsyAma ityaShTapadatvam||1||
|