|
jayati jagadekadIpastamo nadIbhAntarAlapatitasya |
kalayati karShaNakarmaNi karanikaraM vishvavishvasya ||1||
bheShajAnAmakushalo vaidyo no vetti vaidyakaM shAstram |
tasmAt sAratarauShadhanAmnAM sa~ggrahamimaM vacmi ||2||
saptamyantaM ca nAmAdau prathamAntAnyataH param |
pratyekabheShajeShvatra kramo~ayaM nAmasa~ggrahaH ||3||
rasAd vIryAd vipAkAcca prabhAvAdAkRuteH kvacit |
varNAjjAteH pradeshAcca guNebhyo~api bhavanti hi ||4||
nAmAni bheShajaikasya sa~ggatAni bahUni ca |
ekameva tathA nAma bahubheShajasa~ggatam ||5||
dhanvantarimatAdeSha svalpasa~gkShepavistaraH |
soDhalena satArtho~ayaM grathyate nAmasa~ggrahaH ||6||
tAnyevauShadhanAmAni dhanvantaryuditAni ca |
dravyAvalI tathA saiva sa~gkShepAya navAkRutiH ||7||
karakisalayasa~ggI yasya pIyUShakumbhaH paramamaravadhUnAM bhUyase ma~ggalAya |
sa khalu nikhiladugdhAmbhodhiratneShu ratnaM haratu duritarAshInAshu dhanvantari vaH ||8||
|